ليش... ألي تبيه... وتحلم بشوفه

يحرمك منه الزمان... ويطوي حباله

من كل صوب الزمن. تطعن سيوفه

قليل... الي تمنى شي(ن)وناله

صدق من قال حكمه... وسطر حروفه

الريح عن سير السفن دوم مياله

عمر الزمن ماصدق ولا واستني ظروفه

دايم يعاندني معي الايام محتاله

كل مانوى الحظ يتبسم جت الاحزان مرظوفه

وكل ماجى صبحي المشرق طواه الليل بظلاله

متى يا فجري المنور.... بتكسر الليل وطوفه

أحلم اشوف الفجر يفرش على مد السما شاله

يقولوا الليل دربه ورد للعشاق مرصوفه

وأنا ماشفت من (هـ)الليل الا هموم قتاله

وقالوا للبحر خافق أبد ماضاق للي يشتكي خوفه

وأنا من شكوتي كرهني موجه وشاطيه ورماله

وعرفت اني محال ارتاح... الا ساعة اشوفه

الحبيب ألي قطع عن عيني وصاله

أكيد بعد الفراق.... بنلتقي لو طول عزوفه

وإلي كتبه الله علينا.... لازم ناله

رضينا بالقدر... مهما تحكم صروفه

ومحال أشكي الا لربي.... عالم الحاله

بيده تقادير البشر والاقدار منصوفه